УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ

УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ УРВУУЛАГЧ ХЭМЭЭХ ШОРООН ГАХАЙ жилийн сар шинийн баярыг тохиолдуулан Монголын Хараагүйчүүдийн Үндэсний Холбоо болон Спортын зөвлөл хамтран Үндэсний бөхийн барилдааныг зохион явуулах гэж байна. Уг барилдааны зорилго нь: Хараагүй иргэдийн чөлөөт цагийг зөв боловсон өнгөрүүлэх хөдөлгөөний дутагтлаас сэргийлэх, нийтийн биеийн тамирыг сурталчилах, монгол бөхийн спортыг хараагүй иргэдийн дунд түгээн дэлгэрүүлэхэд оршино. Журам 1. Үндэсний бөхийн барилдаанд МХҮХ-ны гишүүд оролцоно. 2. Үндэсний бөхийн барилдаанд 32 бөх барилдах бөгөөд 1,2-ын даваа насны эрэмбийн дагуу оноолтоор явагдана. 3. 3 давж шөвгөрсөн 4 бөх тойргийн журмаар барилдаж 1,2,3–р байрыг эзэлсэн бөхчүүдэд шагнал олгоно. Мөн даваа бүхэн үнэлгээтэй байна. 4. Бүртгэл 2019 оны 01-р сарын 21-ний 12:00 цаг хүртэл явагдана. 5. Бөхийн барилдаан 2019 оны 01-р сарын 21-ний өдрийн 14:00 цагаас Хараагүй Хүмүүсийн Хөдөлмөр Сургалтын Үйлдвэрийн Соёлын танхимд болно. Дэлгэрэнгүй мэдээллийг: 96875555

Залуучуудын зөвлөл

МХҮХ-ны дэргэдэх Залуучуудын зөвлөл нь анх 2016 оны 9 сарын 5-ны өдөр 5 гишүүний бүрэлдэхүүнтэйгээр байгуулагдан үйл ажиллагаагаа явуулж эхэлсэн.

            Зөвлөлийн бүрэлдэхүүнд дараах хүмүүс багтсан болно.

Үүнд:

  • Зөвлөлийн дарга        Л.Эрдэнэчулуун
  • Нарийн бичиг               Ө.Мөнхтөр
  • Зөвлөлийн гишүүн     Д. Эрдэнэбаяр
  • Зөвлөлийн гишүүн      Г.Батчимэг
  • Зөвлөлийн гишүүн      Э.Алтангэрэл

Бидний эрхэм зорилго: Монгол улсын хэмжээнд буй харааны бэрхшээлтэй залуусын оролцоог нийгэмд таниулах, тэдний авъяас чадварыг хангах.

Дээх зорилгын хүрээнд дараах 3 зорилтыг дэвшүүлэн ажиллаж байна.

  • Нийгэм, олон нийтийн үйл ажиллагаанд идэвхитэй оролцох
  • Чадавхжуулах сургалт, зөвлөгөөг зохион байгуулах, оролцох
  • Зөвлөлийн дотоод зохион байгуулалтыг чанаржуулах

Буцах