УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ

УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ УРВУУЛАГЧ ХЭМЭЭХ ШОРООН ГАХАЙ жилийн сар шинийн баярыг тохиолдуулан Монголын Хараагүйчүүдийн Үндэсний Холбоо болон Спортын зөвлөл хамтран Үндэсний бөхийн барилдааныг зохион явуулах гэж байна. Уг барилдааны зорилго нь: Хараагүй иргэдийн чөлөөт цагийг зөв боловсон өнгөрүүлэх хөдөлгөөний дутагтлаас сэргийлэх, нийтийн биеийн тамирыг сурталчилах, монгол бөхийн спортыг хараагүй иргэдийн дунд түгээн дэлгэрүүлэхэд оршино. Журам 1. Үндэсний бөхийн барилдаанд МХҮХ-ны гишүүд оролцоно. 2. Үндэсний бөхийн барилдаанд 32 бөх барилдах бөгөөд 1,2-ын даваа насны эрэмбийн дагуу оноолтоор явагдана. 3. 3 давж шөвгөрсөн 4 бөх тойргийн журмаар барилдаж 1,2,3–р байрыг эзэлсэн бөхчүүдэд шагнал олгоно. Мөн даваа бүхэн үнэлгээтэй байна. 4. Бүртгэл 2019 оны 01-р сарын 21-ний 12:00 цаг хүртэл явагдана. 5. Бөхийн барилдаан 2019 оны 01-р сарын 21-ний өдрийн 14:00 цагаас Хараагүй Хүмүүсийн Хөдөлмөр Сургалтын Үйлдвэрийн Соёлын танхимд болно. Дэлгэрэнгүй мэдээллийг: 96875555

Өмнөговь аймаг дахь салбар

      МХҮХ-ны Өмнөговь аймаг дахь салбар зөвлөл нь 2009 оны 12 сарын 9-ний өдөр Даланзадгад хотноо үүсгэн байгуулагдан одоог хүртэл үйл ажиллагаагаа явуулж байна. Удирдах зөвлөлийн бүрэлдэхүүнд: Ч.Амгалан, Э.Отгонтуяа, О.Гөөгөөчулуун, П.Батжаргал, салбар зөвлөлийн даргаар Б.Буянхүү нар тус тус сонгогдон ажиллаж байна.

      МХҮХ-ны Өмнөговь аймаг дахь салбар зөвлөл нь тус аймагт хөгжлийн бэрхшээлтэй иргэдийн эрх ашгийг хамгаалахаар ажиллаж буй 5 төрийн бус байгууллагын нэг юм. Монгол улсын хэмжээнд хэрэгжиж байгаа Нийгмийн халамжийн тухай хууль, тогтоомжийг мөрдлөгө болгож хараагүй болон харааны бэрхшээлтэй иргэдийн хөдөлмөр эрхлэлт, нийгмийн харилцаанд оролцох, өөрийгөө хөгжүүлэхэд дэмжлэг болох мэдээллийг хүргэх, халамжийн хүртээмжийг нэмэгдүүлэхэд чиглэсэн үйл ажиллагааг орон нутгийн төрийн захиргаа, нийгмийн халамж үйлчилгээ, төрийн бус байгууллагуудтай хамтран хэрэгжүүлдэг.

      Манай салбар зөвлөлийн дэргэд 2011 оны 2 сарын 22-нд МХҮХ-ны дэргэдэх BEST FM98,5 радиогийн салбар байгуулагдан ажиллаж байна. Тус FM радиогийн нэвтрүүлэг Даланзадгад хотноо 24 цагаар цацагддаг. МХҮХ-ноос орон даяар зохион байгуулсан харааны бэрхшээлтэй иргэдийг илрүүлэн бүртгэх судалгааны үр дүнгээр Өмнөговь аймагт 372 харааны бэрхшээлтэй иргэн бүртгэгдсэн. (2011 оны 10 сарын байдлаар) Үүний бүрэн хараагүй 61(70% болон түүнээс дээш), тэтгэврийн насны 110, хөдөлмөрийн насны 233, хүүхэд 29 тус тус бүртгэгдсэн.

            Салбар зөвлөлийн дарга Б.Буянхүү

                        Утас: 93210768, 89632589

                        Хаяг: Өмнөговь аймаг, Даланзадгад сум, Батмөнх Даян хааны гудамж, Мэдээлэл Холбоо Сүлжээ компаний байр, зүүн хаалга 3 тоот.