УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ

УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ УРВУУЛАГЧ ХЭМЭЭХ ШОРООН ГАХАЙ жилийн сар шинийн баярыг тохиолдуулан Монголын Хараагүйчүүдийн Үндэсний Холбоо болон Спортын зөвлөл хамтран Үндэсний бөхийн барилдааныг зохион явуулах гэж байна. Уг барилдааны зорилго нь: Хараагүй иргэдийн чөлөөт цагийг зөв боловсон өнгөрүүлэх хөдөлгөөний дутагтлаас сэргийлэх, нийтийн биеийн тамирыг сурталчилах, монгол бөхийн спортыг хараагүй иргэдийн дунд түгээн дэлгэрүүлэхэд оршино. Журам 1. Үндэсний бөхийн барилдаанд МХҮХ-ны гишүүд оролцоно. 2. Үндэсний бөхийн барилдаанд 32 бөх барилдах бөгөөд 1,2-ын даваа насны эрэмбийн дагуу оноолтоор явагдана. 3. 3 давж шөвгөрсөн 4 бөх тойргийн журмаар барилдаж 1,2,3–р байрыг эзэлсэн бөхчүүдэд шагнал олгоно. Мөн даваа бүхэн үнэлгээтэй байна. 4. Бүртгэл 2019 оны 01-р сарын 21-ний 12:00 цаг хүртэл явагдана. 5. Бөхийн барилдаан 2019 оны 01-р сарын 21-ний өдрийн 14:00 цагаас Хараагүй Хүмүүсийн Хөдөлмөр Сургалтын Үйлдвэрийн Соёлын танхимд болно. Дэлгэрэнгүй мэдээллийг: 96875555

Баярын хурал, концерт

Нийтэлсэн Oct 23, 2018 by Administrator

Баярын хурал, концерт

МХҮХ-ны 40 жилийн ойн арга хэмжээ нь баярын хурал, концерт гэсэн 2 хэсгээс бүрдсэн үйл ажиллагаа 2018 оны 10 дугаар сарын 15ны өдөр “Улаанбаатар” чуулгын концертын их танхимд боллоо. Уг хурлыг МХҮХ-ны Ерөнхийлөгч Д.Гэрэл нээж үг хэллээ. Хуралд ХНХ-ын дэд сайд С.Мөнгөнчимэг, БСШУСЯ-ны төрийн нарийн бичгийн дарга Баярсайхан, ЭМ-ийн дэд сайд А.Бямбасүрэн нарын төрийн албаны хүмүүс, зарим олон улсын байгууллага болон хөдөө орон нутгийн төлөөлөгчид оролцож мэнчилгээ дэвшүүлсэн. Энэ үеэр төрийн болон төрийн бус байгууллагын одон шагналаар  17 хүнийг шагнасан. Хурлын дараа “Хурд” хамтлаг, МУГЖ Чингис хаан” хамтлагийн ахлагч Т.Жаргалсайхан, Ч.Амаржаргал, С.Хүрэлбаатар, МУСТА Сөрөлт, Түмэн-Өлзий, дуучин Баярцэнгэл, харааны бэрхшээлтэй бяцхан дууч Бат-Энгүүн нар ороллцож ая дуугаа өргөлөө