УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ

УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ УРВУУЛАГЧ ХЭМЭЭХ ШОРООН ГАХАЙ жилийн сар шинийн баярыг тохиолдуулан Монголын Хараагүйчүүдийн Үндэсний Холбоо болон Спортын зөвлөл хамтран Үндэсний бөхийн барилдааныг зохион явуулах гэж байна. Уг барилдааны зорилго нь: Хараагүй иргэдийн чөлөөт цагийг зөв боловсон өнгөрүүлэх хөдөлгөөний дутагтлаас сэргийлэх, нийтийн биеийн тамирыг сурталчилах, монгол бөхийн спортыг хараагүй иргэдийн дунд түгээн дэлгэрүүлэхэд оршино. Журам 1. Үндэсний бөхийн барилдаанд МХҮХ-ны гишүүд оролцоно. 2. Үндэсний бөхийн барилдаанд 32 бөх барилдах бөгөөд 1,2-ын даваа насны эрэмбийн дагуу оноолтоор явагдана. 3. 3 давж шөвгөрсөн 4 бөх тойргийн журмаар барилдаж 1,2,3–р байрыг эзэлсэн бөхчүүдэд шагнал олгоно. Мөн даваа бүхэн үнэлгээтэй байна. 4. Бүртгэл 2019 оны 01-р сарын 21-ний 12:00 цаг хүртэл явагдана. 5. Бөхийн барилдаан 2019 оны 01-р сарын 21-ний өдрийн 14:00 цагаас Хараагүй Хүмүүсийн Хөдөлмөр Сургалтын Үйлдвэрийн Соёлын танхимд болно. Дэлгэрэнгүй мэдээллийг: 96875555

баруун бүсийн чуулга уулзалт

Нийтэлсэн Jun 27, 2018 by Administrator

МХҮХ, Данийн төслийн хүрээнд  2018,06,10-2018,06,22 хугацаанд баруун аймгуудаар сургалт семинарь зохион байгууллаа

2018.06.11нд МХҮХ Говь-Алтай аймагийн төр захиргааны байгууллагуудын дарга, ажилтан албан хаагчдад хөгжлийн бэрхшээлийн талаар зөв ойлголтыг өгөх хандлагын сургалт буюу DET-ийн сургалтаа амжилттай хүргэлээ.

МХҮХ Дани Улсын хараагүйчүүдийн холбоотой хамтарсан төслийн хүрээнд 2018,06,11-2018,06,22ныг хүртлэх хугацаанд баруун бүсийн аймгуудын салбар зөвлөлтэй хамтран "Төсөв зохиох үйл явцад хараагүй иргэдийн оролцоог нэмэгдүүлэх нь" сэдэвт сургалт уулзалтыг зохион байгууллаа. Тус ажлын хүрээнд Ховд, Баян-Өлгий, Увс, Завхан аймгуудад ажиллаж тухайн аймаг орон нутагт амьдарч буй хараагүй иргэдэд тулгамдаж буй асуудлуудыг хэлэлцэн холбогдох төр захиргааны байгууллагуудын удирдлага, мэргэжилтнүүдэд уламжлахаас гадна ХБХ-ний эрхийн хуулийн мэдлэгийг нэмэгдүүлэх, хувь хүний хөгжлийн сургалтуудыг амжилттай зохион байгууллаа.