МСҮТ-ийн оюутнууд дадлагат гарлаа

1. МХҮХ –ны дэргэдэх МСҮТөвийн Эмчилгээний бариа засалч, Хүртээмжит технологийн мэргэжилтэн ангийн 2-р курсын оюутнуудын ажил олгогч байгууллага дээр хийх дадлага 2018-04-09-ны өдөр эхэллээ. • Эмчилгээний бариа засалч 2-р курсын оюутнууд нь 4-р сарын 9-с эхлэн сургуулийн байран дээрээ ХХХСҮ-ийн ажилчид болон МХҮХ-ны гишүүд, энгийн үйчлүүлэгчдийг хүлээн авч эмчилгээний бариа, бумба хийж үйлчилж байна. 4-р сарын 16-наас эхлэн сувилал болон бусад харилцаатай ажилладаг байгууллагууд дээр дадлагад гарч 1 сарын хугацаанд танхимаар үзсэн онол дадлагын мэдлэг чадвараа ажлын байрны нөхцөлд сайжруулж суралцах билээ. • Хүртээмжит технологийн ангийн 2-р курсын оюутнууд нь МХҮХ-ны оффис болон фм 98,5, Нацагдоржийн номын сангийн ярьдаг номын санд МХҮХ-ны оффис программ дээр ажиллаж албан бичигбаримт дээр ажиллах, DAISY ном бэлтгэх , дууны эвлүүлэг хийх , багшлах дадлага гэсэн 5 төрлөөр хичээлээр үзсэн онол дадлагын мэдлэг чадвараа өргөжүүлж ажлын байран дээрхи дадлага хийж байна.

"яг түүн шиг" шоу

Нийтэлсэн Apr 4, 2018 by Administrator

МХҮХ-ны үүсгэн байгуулагдсны 40жилийн ойн арга хэмжээний цуврал ажлуудын нэг болох ХБИ-ийн авьас чадварыг нээн илрүүлэн хөгжүүлэх чөлөөт цагийг зөв боловсон өнгөрүүлэх зорилготой  "Яг түүн шиг" шоуг нийт гишүүдийнхээ дунд  2 үе шаттайгаар ХХХСҮйлдвэрийн соёлын танхимд зохион байгууллаа. Шоуны  эхний үе шат 2018,03,23нд нийт 16 оролцогч нээлттэйгээр буюу өөрийн сонгосон дуучнаа сонгон оролцсноос 11 оролцогч шалгарсан. Хоёрдугаар шат 2018,03,30ны өдөр болж шүүгчээр   МСҮТ-ийн захирал Б.Ганзориг, МСҮТ-ийн багш Хаш-Эрдэнэ,  ДБЭТ-ын дуучин Гантөмөр нар ажилласан бөгөөд шалгаруулалтыг шүүгч нарын өгсөн болон өөрсдөдөө өгсөн оноонуудын нийлбэр оноогоор шалгаруулж гуравдугаар байрыг МСҮТ-ийн оюутан Есүдэй, хоёрдугаар байранд МСҮТ-ийн оюутан Батчулуун, тэргүүн байрыг С.Хүрэлбаатар нар эзэллээ. Манай үйл ажиллагаанд идэвхтэй оролцогч нартаа талархлаа илэрхийлье.