Сургалтанд урьж байна.

Монголын Хараагүйчүүдийн Үндэсний Холбооны дэргэд Нөхөн Сэргээх сургалтын төв үйл ажиллагаагаа явуулдаг бөгөөд энэхүү сургалтын төв нь харааны улмаас хөдөлмөрийн чадвараа 50 буюу түүнээс дээш хувиар алдсан иргэдэд орон зайн чиг баримжаа олгох буюу таягны, брайль бичгийн, ахуйн, хувь хүний харилцаа гэх мэт төрөл бүрийн сургалтуудыг үнэ төлбөргүй зохион байгуулж байгаа тул харааны бэршхээлтэй иргэд болон харааны бэрхшээлтэй иргэнтэй ойр дотно хүмүүс дараах утсаар холбогдоно уу. Ч.Дэлгэрмаа /МХҮХ-ны дэргэдэх Нөхөн Сэргээх сургалтын төвийн захирал / Утас: 70044179, 91110569

“КОФЕ АМТАЛГААНЫ ӨДӨРЛӨГ” боллоо

Нийтэлсэн Dec 7, 2017 by Administrator

Монголын Хараагүйчүүдийн Үндэсний Холбоо нь /МХҮХ/ Солонгос улсын Харааны бэрхшээлтэй иргэдийн “ШИЛИОМ” төв болон КОЙКА байгууллагын дэмжлэгтэйгээр Монголын харааны бэрхшээлтэй залууст шинэ мэргэжил болон ажлын байр нэмэгдүүлэх зорилгоор “БАРИСТА” сургалтыг 2017 оны 4-р сараас эхлэн хичээллүүлж байгаа билээ.

Энэхүү хүрээнд өнөөдөр тус сургалтын 2 дахь ээлжийн суралцагчид Нийслэлийн засаг даргын тамгын газрын ажилчдад   ур чадвар болон сургалтын үр дүнг танилцуулах зорилгоор “КОФЕ АМТАЛГААНЫ ӨДӨРЛӨГ” зохион байгуулж байна.