УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ

УРВУУЛАГЧ ХЭМЭЭХ ШОРООН ГАХАЙ ЖИЛИЙН САР ШИНИЙН БАЯРТ ЗОРИУЛСАН ҮНДЭСНИЙ БӨХИЙН БАРИЛДААНЫ УДИРДАМЖ УРВУУЛАГЧ ХЭМЭЭХ ШОРООН ГАХАЙ жилийн сар шинийн баярыг тохиолдуулан Монголын Хараагүйчүүдийн Үндэсний Холбоо болон Спортын зөвлөл хамтран Үндэсний бөхийн барилдааныг зохион явуулах гэж байна. Уг барилдааны зорилго нь: Хараагүй иргэдийн чөлөөт цагийг зөв боловсон өнгөрүүлэх хөдөлгөөний дутагтлаас сэргийлэх, нийтийн биеийн тамирыг сурталчилах, монгол бөхийн спортыг хараагүй иргэдийн дунд түгээн дэлгэрүүлэхэд оршино. Журам 1. Үндэсний бөхийн барилдаанд МХҮХ-ны гишүүд оролцоно. 2. Үндэсний бөхийн барилдаанд 32 бөх барилдах бөгөөд 1,2-ын даваа насны эрэмбийн дагуу оноолтоор явагдана. 3. 3 давж шөвгөрсөн 4 бөх тойргийн журмаар барилдаж 1,2,3–р байрыг эзэлсэн бөхчүүдэд шагнал олгоно. Мөн даваа бүхэн үнэлгээтэй байна. 4. Бүртгэл 2019 оны 01-р сарын 21-ний 12:00 цаг хүртэл явагдана. 5. Бөхийн барилдаан 2019 оны 01-р сарын 21-ний өдрийн 14:00 цагаас Хараагүй Хүмүүсийн Хөдөлмөр Сургалтын Үйлдвэрийн Соёлын танхимд болно. Дэлгэрэнгүй мэдээллийг: 96875555

Баянхонгор аймаг дахь салбар

      МХҮХолбооны Баянхонгор аймаг дахь салбар зөвлөл нь 2011 оны 3-р сарын 11-нд Баянхонгор аймгийн хараагүй болон харааны бэрхшээлтэй  иргэдийн бүх гишүүдийн хурлын шийдвэрэээр албан ёсны салбар  зөвлөл байгуулагдсан. Даргаар нь 2011-2013 Сандагдорж овогтой Жаргал, 2013-2017 А.Бүрэнжаргал сонгогдсон бөгөөд удирдах зөвлөлийн гишүүдэд Б.Одбаатар, Г. Батсайхан, А.Бүрэнжаргал, П. Солонго, Д. Давааням, Ж.Энхжаргал нарыг санал нэгтэйгээр сонгов. Энэ хугацаанд хөдөө орон нутийн 21 сум, аймгийн төвийн 9-н багийг хамруулан судалгаа явуулсны үр дүнд 510 гаруй хараагүй болон харааны бэрхшээлтэй  иргэд албан ёсоор бүртгэгдсэн байна. Бүрэн хараагүй 29, 70-80 хувьтай 134, тусгай дээд боловсролтой 55 хүн тус тус бүртгэгдсэн бөгөөд энэ хугацаанд үйл ажиллагаа хэвийн явагдаж байна.

      Тус салбар зөвлөл нь аймгийн болон Монголын хараагүйчүүдийн үндэсний холбооноос зохион явуулсан урлаг спортын наадамд идэвхтэй оролцож ирсэн бөгөөд Улаанбаатар хотноо явагдсан паралимпийн нэрэмжит тэмцээнээс жудо бөхийн төрөлд мөнгөн медаль 1, /эрэгтэй/ хүрэл медаль 1, /эмэгтэй/ , урлагийн төрлөөр нэг хүрэл медаль тус тус авсан. Мөн Ардын хувьсгалын 90 жилийн ойн медаль, Баянхонгор аймаг байгуулагдсаны 70-н жилийн ойгоор харааны бэрхшээлтэй 10 хүнийг зохих шатны байгууллагад хандаж төрийн дээд одон медальд тодорхойлсноос Алтан гадас 1, Ардын хувьсгалын ойн медаль 1, Н.А.А.Ү-ний тэргүүний ажилтан 1, Ардчилсан хувьсгалын 20-н жилийн ойн медаль 1 хүн тус тус шагнагдсан. Цаашид манай салбар зөвлөл нь 2013 оноос эхлэн “Бид хөгжлийн төлөө” хамтдаа гэсэн алсын хараа болгож их бүтээн байгуулалттай ажлыг өрнүүлэх зорилт тавин ажиллаж байна.  

      САЛБАР ЗӨВЛӨЛИЙН ДАРГА                                                     А.Бүрэнжаргал